Sindoria

La giuvna Ramona vegn in tranter l'auter … sin la fugia da la polizia emprenda ella d'enconuscher l'attractiv e misterius giuven Aronel. Els sa chavestreschan en embrugls da temp e sentiments e sa movan tranter dus munds: Sindoria, nua ch'ils Sindorians vivan, e noss mund.
In cudesch che tschiffa il lectur da l'emprima fin l'ultima pagina.

Dominique Dosch è creschida si a Tinizong, nua ch'ella è ida en scola primara. Suenter la scola secundara a Savognin frequenta ella actualmain il gimnasi a la Scola chantunala grischuna.
La giuvna scriventa è adina stada gugent creativa; a partir da l'emprima classa prenda ella uras da clavazin, dasperas chanta ella era e dirigia il Chor Rumantsch dal gimnasi. Dominique ha adina legì tants cudeschs sco pussaivel e bainspert inventà e scrit sias atgnas istorgias. Diversas giadas è ella sa participada a la concurrenza Plema d'aur ch'ella ha era gudagnà duas giadas.