Nuot Nes

Adina sin ils chaltgogns als delinquents d'Engiadin'Ota as movan il comissari Nuot Nes e ses assistent Marco Mangiù sin pistas e pradas, in stallas e bars d'hotel, els s'occupan d'embrugls turistics, immobigliers e mafius. Lur nes fins als mainan fin a Milaun ed a Monterey, e sco recreaziun as laschan els gustar grondiusas bisteccas e fins chaschiels, vins exquisits e whiskys retschertgads.
Bivetti lascha resplender realitads e fantasias da las vals grischunas en quests raquints, che sa referischan entras l'originalitad e l'umor als gronds models da la litteratura criminala.

Attilio Bivetti è naschì a Vicosoprano, el ha visità la scola primara a Samedan ed ha absolvì il gimnasi a S.Gagl. Suenter il studi da veterinari a Turitg ha Bivetti lavurà 30 onns sco veterinari en l'Engiadin'Auta ed en Bergaglia, dasperas è el stà plirs onns president communal a Segl.
Dapi la pensiun l'onn 2009 viva el tranter Segl, Fex e Castasegna. Bivetti ha in egl ed ina lingua originala per descriver la dinamica sociala ed economica da sias vals alpinas.

Publicaziuns: Ventins e ventatschs da Fex (2010), Nuot Nes (2014), L'aungel da Nuot Nes (2017).