Swójba w Paradizu – što móhło rjeńšeho być!
Paradiz, bajkojty kućik přirody, pjeć domow na kromje hole, je žiwjenske srjedźišćo swójby serbskeho twarskeho mištra Pawoła Šewca z třomi dźěćimi. Pola nich je wšo, kaž ma być, tak najmłódši z nich, Jan-Pawoł husto mysli.
Ale je to woprawdźe? Čehodla Pawoł Šewc na kóncu swojeho žiwjenja konstatuje: Wšo wopak činił?
Inflacija, serbstwo w hitlerskim času a po wójnje, z propagowanjom jeho bujneho rozkćěwa a jeho dóńt we wuchodnych kónčinach Budyskeho kraja, mjez holu a Čornobohom, z wiziju wo přichodźe su wažne mězniki w stawiznach swójby.
Awtor podawa žiwy dohlad do žiwjenja Serbow w 20. lětstotka.

Křesćan Krawc (němsce Christian Schneider; * 7. awgusta 1938 w Lemišowje) je serbski spisowaćel a awtor wjertnych knihow.

Narodźi so jako syn twarskeho mištra Pawoła Krawca w tehdy hišće serbskim Lemišowje. Studowaše žurnalistiku a ratarstwo a bě mjez druhim reporter Choćebuskeho serbskeho rozhłosa (1961–66), šefredaktor Płomjenja (1965–78) a lektor w Ludowym nakładnistwje. Wón dźěła dźensa jako swobodny awtor a bydli w Hrubjelčicach.