Leontina Lergier-Caviezel raquinta ina tragedia capitada en in vitg alpin e che ha stremblì l'entira cuminanza. Anc onns pli tard n'èn bleras blessuras betg guaridas … La giuvna Andrea 'da la Bassa' marida en il vitg e vul vegnir a savair dapli 'da la chaussa da Crestas'. Quai n'è betg simpel, pertge la persuna pertutgada è mitta dapi la disgrazia e vitiers para la famiglia d'Andrea dad esser entretschada pli ferm che supponì.
Quest roman è scrit captivond e tschiffa il lectur en l'atmosfera dal vitg e ses abitants.

Leontina Lergier-Caviezel (1956) è creschida a Vrin en Val Lumnezia e viva uss ensemen cun ses um en la vischinonza da Berna.
Ella ha publitgà raqquints e poesias en diversas periodicas rumantschas e scriva regularmain columnas per La Quotidiana.
Ses emprem cudesch Romana è cumparì 2006 en la retscha da Nies Tschespet (Romania). 2011 suonda Nus duas (Chasa Editura Rumantscha, exaust).